Պարմա ընկերության թիմը ՖԲԼ Բ լիգա մրցաշարի չեմպիոն

Պարմա ընկերության թիմը ՖԲԼ Բ լիգա մրցաշարի չեմպիոն


ՖԲԼ  Բ լիգա մրցաշարի եզրափակիչ խաղում մրցեցին  «Գրանդ Քենդի» և  «Պարմա» թիմերը: Երկու թիմերն էլ եզրափակչին արժանի խաղ ցուցադրեցին: Գեր լարված ու դրամատիկ խաղի առաջին կեսում  «Գրանդ Քենդի»-ի խաղացողները կարողացան 2 անգամ ստիպել մրցակցին խաղը վերսկսել կենտրոնից և ուրախացնել մարզադահլիճում հավաքված բազմաթիվ երկրպագուներին,բայց այդ երեկո հաջողությունը  «Պարմա»-ի կողմն էր: Երկրորդ կեսում  «Պարմա»-ի խաղացողներին ոչ միայն հաջողվեց ետ բերել  կորցրածը, այլև նաև 3-3 հաշվի ժամանակ, երբ թվում էր թե մրցաշարի հաղթողը կորոշվի ետխաղյա 6 մետրանոց հարվածաշարով  հանդիպման վերջին րոպեին  «Պարմա»-ի երկրպագուներին ևս մեկ անագամ ցնծվելու առիթ տվեց և չեմպիոնական գոլի հեղինակ դարձավ մրցաշարի լավագույն խաղացող ճանաչված Գևորգ Գրիգորյանը`4-3: Այսպիսով,  «Պարմա»-ն մրցաշարում այդպես էլ ոչ մի միավոր չզիջեց մրցակից թիմերին և անցկացրած 6 խաղերում տոնելով նույքան հաղթանակ հռչակվեց է ՖԲԼ Բ լիգա մրցաշարի հաղթող:

Հանդիպումից անմիջապես հետո տեղի ունեցավ ՖԲԼ Բ լիգա մրցաշարի պարգևատրման պաշտոնական արարողությունը:

ՖԲԼ նախ պարգևատրեց ՀՖՖ մրցավար Սամվել Զարգարյանին` Բ լիգա եզրափակիչ հանդիպումը սպասարկելու համար, այնուհետև պարգևատրվեց ՀՖՖ մրցավար Միհրան Կուդոյանը` Բ լիգա մրցաշարի հանդիպումները լավագույնս սպասարկելու համար, երկու մրցանակներն էլ հանձնեց ՀՖՖ-ի մրցումների կազմարկերպման և անցկացման բաժնի պետ Խորեն Զարգարյանը :

Խփած 14 գնդակով  մրցաշարի լավագույն ռմբարկու ճանաչված «Օրանժ Ֆիթնես» թիմի ավագ Վահան Սարգսյանին մրցանակը հանձնեց ՀՖՖ մրցումների կազմակերպման և անցկացման բաժնի պետ Խորեն Զարգարյանը:

Մրցաշարի լավագույն խաղացող ճանաչված  «Պարմա»-ի 11 համար Գևորգ Գրիգորյանին պարգևատրեց ֆուտզալի Հայաստանի ազգային հավաքականի և «Մոսկվայի Սպարտակի» խաղացող Գարեգին Մաշումյանը:

Մրցաշարում երրորդ տեղ գրաված  «Բեթ Կոնստրակտ» թիմին պարգևատրեց ֆուտզալի Հայաստանի ազգային հավաքականի դարպասապահների մարզիչ Վաղինակ Շահնազարյանը:

Մրցաշարի երկրորդ տեղ գրաված  «Գրանդ Քենդի» թիմին պարգևատրեց ֆուտզալի Հայաստանի ազգային հավաքականի մարզիչ Զոհրաբ Նիազյանը:

Մրցաշարի չեմպիոն հռչակված  «Պարմա» թիմին ոսկե մեդալները և փոխանցիկ գավաթը հանձնեց ՀՖՖ մրցումների կազմակերպման և անցկացման բաժնի պետ Խորեն Զարգարյանը:

ՖԲԼ-ն ևս մեկ անգամ ջերմորեն շնորհավորում է մրցաշարի բոլոր մրցանակակիրներին, ինչպես նաև շնորհակալություն հայտնում մասնակից թիմերին ևս մեկ քայլ կատարելու մարզաձևը մասսայականացնելու գործում:

 

Նյութը պատրաստեց` Ռաֆայել Մանուկյանը

04-06-2018 12:50:38
Վերադառնալ