Մարտի 31-ին կայացած երրորդ տուրի արդյունքները

Մարտի 31-ին կայացած  երրորդ տուրի արդյունքները


Մարտ 31-ին կայացած երրորդ տուրի խաղերի արդյունքները հետևյալն են՝ 
Ազգային ժողով - Կոկա Կոլա 12 : 5
Գրանդ Քենդի - Պրոֆվենտ 14 : 2
Լրագրողներ -Արիստոն 3 : 6


Ազգային ժողով-Կոկա Կոլա խաղը անցավ անզիջում պայքարում: Կոկա-Կոլայի թիմը ուներ խաղային առավելություն,  որի արդյունքում կարողացավ 12 գնդակ ուղարկել Ազգային ժողովի թիմի դարպասը, սեփականը ընդունելով 5 գնդակ:
 Գրանդ Քենդի - Պրոֆվենտ թիմերի միջև խաղը սկսվեց Գրանդ Քենդի թիմի առավելությամբ: Գեղեցիկ, կոմբինացիոն գրոհները հաջորդում էին մեկը մյուսին, որի արդյունքում Գրանդ Քենդիի թիմի 14 գնդակ ուղարկեց Պրոֆվենտի դարպասը, սեփականը ընդունելով ընդամենը 2 գնդակ: Ավելացնենք նաև, որ Գրանդ Քենդիի կազմում այսօր իր գոլերի քանակը ավելացրեց թիմի ռմբարկու Սերգեյ Ղազարյանը, իր գոլերի թիվը 3 խաղում հասցնելով 19-ի: Գրանդ Քենդիի  թիմը խմբային փուլում ցուցադրեց հարյուր տոկոսանոց արդյունք և ապահովեց իր տեղը հաջորդ փուլում:
  Լրագրողների և Արիստոնի միջև խաղը ստացվեց շատ դրամատիկ: Խաղասկզբին Արիստոնի ֆուտբոլիստներին հաջողվեց երեք անգամ գրավել Լրագրողների դարպասը և հաջողության ղեկը թեքել իրենց կողմ: Բայց ի պատասխան Արիստոնի գոլերի, լրագրողները  Դավիթ Ալավերդյանի երկու  գոլերի շնորհիվ կարողացան առաջին խաղակեսի վերջնամասում փոքր ինչ հավասարեցնել խաղը: Այնուամենայնիվ Արիստոնը դժվարին պայքարում  կարողացավ  6 գնդակ ուղարկել Լրագրողների դարպասը, սեփականը ընդունելով 3 գնդակ: Այս խաղից հետո Արիստոնը երեք խաղից վաստակեց 9 միավոր և գլխավորեց Բ լիգայի A խումբը և նվաճեց հաջորդ փուլի ուղեգիր: 
Երրորդ տուրի հաջորդ խաղերը կկայանան ապրիլի 1-ին և 2-ին:

01-04-2016 00:10:08
Վերադառնալ