Հայտնի դարձան ՖԲԼ C լիգա մրցաշարի կիսաեզրափակչի առաջին երկու մասնակիցների անունները

Հայտնի դարձան ՖԲԼ C լիգա մրցաշարի կիսաեզրափակչի առաջին երկու մասնակիցների անունները


ՖԲԼ C լիգա մրցաշարի քառորդ եզրափակչի  առաջին խաղում մրցաշարը լքեց մինչ այս անպարտելի համարվող «Ամերիա բանկ»-ի թիմը: «Ամերիա բանկ»-ի խաղացողները չնայած շատ արագ ձեռք բերեցին 2 գնդակի առավելություն, սակայն չկարողացան գործը հասցնել տրամաբանական ավարտին և ծանրագույն խաղում պարտվեցին նույն 2 գնդակի տարբերությամբ «ՖասթԿրեդիտ» ընկերության թիմին՝ 3-5:

Օրվա մյուս խաղում հերթական  վստահ հաղթանակը տոնեց  չեմպիոնության գլխավոր ֆավորիտներից մյուսը՝ «Վեգա-2»-ը, և շարունակում է ցուցադրել իր հարյուր տոկոսանոց ցուցանիշը ՝ 5 խաղ 5 հաղթանակ: «Վեգա-2»-ը այս անգամ 9 գնդակ ուղարկեց «Կոկա-Կոլա»-ի դարպասը, հյուրերը աչքի ընկան ընդամենը 4 անգամ՝ 9-4:

«Ֆաստ Կրեդիտ»-ը և «Վեգա-2»-ը իրենց մրցակիցներին կպարզեն այսօր երեկոյան կայանալիք քառորդ եզրափակչի մյուս երկու խաղերի արդյունքից:

 

                                                                     Նյութը պատրաստեց` Ռաֆայել Մանուկյանը

17-07-2018 11:57:57
Վերադառնալ