ՀՖՖ պատվիրակությունը մասնակցում է ֆուտզալի մարզչական կրթության սեմինարի Պորտուգալիայում

ՀՖՖ պատվիրակությունը մասնակցում է ֆուտզալի մարզչական կրթության սեմինարի Պորտուգալիայում


Մայիսի 26-ին` Պորտուգալիայի մայրաքաղաք Լիսաբոնում, մեկնարկել է Ֆուտզալի մարզչական կրթության սեմինար (UEFA Study Group Futsal Coach Education Seminar), որը կշարունակվի մինչև մայիսի 30-ը: Սեմինարին մասնակցում է նաև ՀՖՖ պատվիրակությունը: Մեր պատվիրակներն են Ֆուտզալի Լիգայի նախագահ և ֆուտզալի Հայաստանի ազգային հավաքականի գլխավոր մարզիչ Ռուբեն Նազարեթյանը, ՀՖՖ Մրցումների կազմակերպման և անցկացման բաժնի պետ Խորեն Զարգարյանը և ՀՖՖ Հավաքականների ապահովման բաժնի մենեջեր Հրաչյա Ղամբարյանը: 

Սեմինարի առաջին օրվա ընթացքում ՀՖՖ պատվիրակության անդամները ներկայացրին ՀՖՖ ֆուտզալի զարգացման ծրագիրը և մարզաձևի հետ կապված առկա խնդիրները: Մանրամասն ներկայացվեց նաև Ֆուտզալ Լիգայի գործունեությունը և նպատակները ֆուտզալի զարգացման գործում: 
Հաջորդ օրերին կքննարկվեն ֆուտզալում մարզչական կրթության հետ կապված առանձանահատկությունները, տակտիկական տենդենցները և զարգացման միտումները:

28-05-2019 17:33:46
Վերադառնալ