Կայացել է «Ֆուտզալ Բիզնես Լիգա» մամուլի ասուլիսը

Կայացել է «Ֆուտզալ Բիզնես Լիգա» մամուլի ասուլիսը


«Ֆուտզալ Բիզնես Լիգա» սիրողական մրցաշարի կազմակերպիչները այսօր՝ մարտի 2-ին, պատասխանել են լրագրողների հարցերին և ներկայացրել մրցաշարի նպատակները, խնդիրները և հետագա ծրագրերը: «Ֆուտզալ Բիզնես Լիգա» ՀԿ նախագահ՝ Ռուբեն Նազարեթյանը իր ելույթում ասեց, որ մրցաշարի նպատակը երկրում ֆուտզալն ավելի մասսայական դարձնելն ու զարգացնելն է: Ավելացրեց նաև, որ «Ֆուտզալ Բիզնես Լիգան» կանցկացվի նաև Հայաստանի մարզերում և Արցախում: Կստեղծվի Բիզնես լիգայի հավաքական, որը կմասնակցի միջազգային սիրողական մրցաշարերի: Եվ վերջում ավելացրեց, որ արդեն ունեն հրավեր Վրաստանից: Քանի որ «Ֆուտզալ Բիզնես Լիգան» ունի համագործակցության պայմանագիր ՀՖՖ հետ, այդ իսկ պատճառով նաև ներկա էր ՀՖՖ Ֆուտզալի և Կանանց ֆուտբոլի բաժանմունքի պետ՝ Խորեն Զարգարյանը, ով իր խոսքում նշեց, որ «Ֆուտզալ Բիզնես Լիգան» ՀՖՖ-ի կազմակերպած միջոցառումը չէ եւ նրա հովանու ներքո չի անցկացվում, մենք պարզապես համագործակցում ենք: Նա ավելացրեց, որ որպես ՀՖՖ ֆուտզալի եւ Կանանց ֆուտբոլի բաժանմունքի պետ, իր խորհուրդներով կփորձի օգնել մրցաշարի պատշաճ անցկացմանը: Մարտի 12-ին մեկնարկող մրցաշարը կանցկացվի «Դինամո» մարզադահլիճում՝ A և B լիգաներով:

08-03-2016 15:33:45
Վերադառնալ