Ֆուտզալ Բիզնես Լիգայի գլխավոր նպատակը Հայաստանում ֆուտզալը մասսայականացնելն ու զարգացնելն է

Ֆուտզալ Բիզնես Լիգայի գլխավոր նպատակը Հայաստանում ֆուտզալը մասսայականացնելն ու զարգացնելն է


Այսօր՝ մարտի 2-ին կայացավ «Ֆուտզալ Բիզնես Լիգա» ֆուտզալի սիրողական մրցաշարի ներկայացումը։

«Ֆուտզալ Բիզնես Լիգա» Հկ-ի նախագահ Ռուբեն Նազարեթյան իր ելույթում նշեց, որ մրցաշարի գլխավոր նպատակը երկրում այս սպորտաձևը ավելի մասսայական դարձնելն ու զարգացնելն է։

Ավելացրեց նաև, որ «Ֆուտզալ Բիզնես Լիգան» կանցկացվի նաև Հայաստանի մարզերում և Արցախում: Կստեղծվի Բիզնես լիգայի հավաքական, որը կմասնակցի միջազգային սիրողական մրցաշարերի: Եվ վերջում ավելացրեց, որ արդեն ունեն մի քանի երկրներից հրավերներ:

Քանի որ «Ֆուտզալ Բիզնես Լիգան» ունի համագործակցության պայմանագիր ՀՖՖ հետ, այդ իսկ պատճառով նաև ներկա էր ՀՖՖ Ֆուտզալի և Կանանց ֆուտբոլի բաժանմունքի պետ՝ Խորեն Զարգարյանը, ով իր խոսքում նշեց, որ «Ֆուտզալ Բիզնես Լիգան» ՀՖՖ-ի կազմակերպած միջոցառումը չէ եւ նրա հովանու ներքո չի անցկացվում, մենք պարզապես համագործակցում ենք: Նա ավելացրեց, որ որպես ՀՖՖ ֆուտզալի եւ Կանանց ֆուտբոլի բաժանմունքի պետ, իր խորհուրդներով կփորձի օգնել մրցաշարի պատշաճ անցկացմանը:

Մարտի 12-ին մեկնարկող մրցաշարը կանցկացվի «Դինամո» մարզադահլիճում՝ A և B լիգաներով:

17-02-2016 13:43:00
Վերադառնալ