Ավարտվեց ՖԼ Բ լիգա մրցաշարը

Ավարտվեց ՖԼ Բ լիգա մրցաշարը


Եզրափակիչ խաղում հանդիպեցին ԲեթԿոնստրակտի և Գրանդ Քենդիի թիմերը:
Ինչպես և սպասվում էր հանդիպումը անցավ դիտարժան և հավասար պայքարում: Հանդիպմանը լրջագույն կորստով մոտեցած Գրանդ Քենդիի  տղաները արեցին հնարավոր ամեն ինչ՝ զորեղ մրցակցին արժանի դիմակայություն ցույց տալու համար: 
Առաջինը հաշվի մեջ առաջ անցան ԲեթԿոնստրակտի ֆուտբոլիստները, որոնք մինչև ընդմիջման գնալը կարողացան ևս 2 գնդակ խփել՝ սեփականն ընդունելով մեկը:  Երկրորդ խաղակեսի սկզբնամասում Գրանդ Քենդիի ֆուտբոլիստները կարողացան տիրել նախաձեռնությանը և կրճատել հաշիվը՝ 3-2, սակայն բաց թողած երկրորդ գոլից հետո ԲեթԿոնստրակը նորից վերգտավ իր խաղը և մեկը մյուսի հետևից գնդակներ ուղարկեց մրցակցի դարպասը: Գրանդ Քենդին ևս ուներ մի շարք գոլային պահեր, բայց այս խաղում ինչպես նաև մրցաշարի ողջ ընթացքում փայլեց ԲեթԿոնստրակտի ավագ և դարպասապահ Յուրի Ղազարյանը՝ կատարելով ֆանտաստիկ սեյվեր: Այսպիսով ԲեթԿոնստրակը հաղթանակի հասնելով 5-3 հաշվով դարձավ ՖԼ Բ ԼԻԳԱ մրցաշարի հաղթող:

Հանդիպման ողջ ընթացքում հետաքրքիր մեկնաբանությունը և ուրախ մթնոլորտը ապահովելու համար շնորհակալություն ենք հայտնում «Հումորի լիգա» նախագծի մասնակիցներ Արմեն Զաքարյանին և Գևորգ Սահակյանին:

Եզրափակիչ հանդիպումից անմիջապես հետո տեղի ունեցավ պարգևատրման պաշտոնական արարողությունը:  

Ֆուտզալ լիգա Բ լիգա մրցաշարի լավագույն մրցավարին և եզրափակիը լավագույնս սպասարկած ՀՖՖ մրցավարներ Սամվել Զարգարյանին և Արթուր Համբարձումյանին դիպլոմով և պատվոգրերով  պարգևատրեց ՖԼ նախագահ Ռուբեն Նազարեթյանը:

Մրցաշարում լավագույն դարպասապահ ճանաչված` ԲեթԿոնստրակտ թիմի դարպասապահ
Յուրի Ղազարյանին մրցանակը հանձնեց՝ Ֆուտզալի Հայաստանի ազգային հավաքականի դարպասապահների մարզիչ Վաղարշակ Շահնազարյանը:

Խփած 6 գնդակով  մրցաշարի լավագույն ռմբարկու` Գրանդ Քենդիի ֆուտբոլիստ Նորայր Սահակյանին  պարգևատրեց  ԲեթԿոնստրակտ ընկերության մարքեթինգի բաժնի ներկայացուցիչ՝ Վահագ Լագեսյանը:

Մրցաշարում լավագույն խաղացող ճանաչված` ԲեթԿոնստրակտ թիմի ֆուտբոլիստ 
Տիգրան Հախնազարյանին մրցանակը հանձնեց՝ ՖԼ նախագահ Ռուբեն Նազարեթյանը:

Երկրորդ տեղ գրաված Գրանդ Քենդի թիմին արծաթե մեդալներով և դիպլոմով պարգևատրեց ՀՖՖ-ի մրցումների կազմակերպման և անցկացման բաժնի պետ Խորեն Զարգարյանը:

Մրցաշարի հաղթող ԲեթԿոնստրակտ  թիմին փոխանցիկ գավաթով և ոսկե մեդալներով պարգևատրեց
ՖԼ նախագահ Ռուբեն Նազարեթյանը: 

Մրցաշարում երրորդ տեղը գրավեց Ալտերնատիվ Կրեատիվ Նեթվորք թիմը:

ՖԼ-ի ողջ անձնակազմը ևս մեկ անգամ ջերմորեն շնորհավորում է բոլոր մրցանակակիրներին և ցանկանում նորանոր հաջողություններ, ինչպես նաև բոլոր մասնակից թիմերին իրենց ներդրումն ունենալու մարզաձևը մասսայականացնելու գործում: 

26-04-2019 01:18:16
Վերադառնալ