Հանդիպում Ֆինանսաբանկային մրցաշարի մասնակիցների հետ

Հանդիպում Ֆինանսաբանկային մրցաշարի մասնակիցների հետ


Երեկ՝ սեպտեմբերի  26-ին, «Grand Hotel Yerevan» հյուրանոցում տեղի ունեցավ հանդիպում Ֆուտզալ Բիզնես Լիգայի ղեկավար անձնակազմի և ֆինանսաբանկային ոլորտի ներկայացուցիչների միջև:

Հանդիպումը վարում էր ՖԲԼ նախագահ՝ Ռուբեն Նազարեթյանը: Հագեցած և արդյունավետ քննարկումների ընթացքում մասնակիցները շոշափեցին ՖԲԼ –ի կողմից նորաստեղծ՝ Իսահակ Աբասի Իսահակյանին նվիրված ՖԲԼ Ֆինանսաբանկային մրցաշարի առանցքային թեմաները, որի արդյունքում որոշվեց մրցաշարի մեկնարկը տալ ս.թ. հոկտեմբերի 14-ին:

ՖԲԼ նախագահ Ռուբեն Նազարեթյանը նշեց. «Մենք վերջին շրջանում ստանում էինք բազմաթիվ առաջարկներ ՀՀ ֆինանսաբանկային ոլորտի ներկայացուցիչներից, որոնց առանցքում մեծամասամբ ընկած էր ֆինանսաբանկային ոլորտի ֆուտզալի մրցաշարի կազմակերպման անհրաժեշտությունը: Ուստի, հաշվի առնելով վերոնշյալը՝ Անդրանիկ Բարսեղյանի հետ միասին որոշում կայացրեցինք կազմակերպել Ֆուտզալ Բիզնես Լիգայի շրջանակներում նոր մրցաշար, ի հիշատակ, ՀՀ Կենտրոնական բանկի նախկին նախագահ Իսահակ Աբասի Իսահակյանի:

Նազարեթյանը հավելեց նաև որ  հաջորդ մրցաշարը  կանվանվի  մեկ այլ անվանի ֆինանսաբանկային ոլորտի ներկայացուցչի անունով:

Մրցաշարի հայտերի ընդունման վերջնաժակետն է ս/թ հոկտեմբերի 1-ը: Տեղեկությունների համար զանգահարել 095-10-99-99 հեռախոսահամարով:

26-09-2018 14:01:16
Վերադառնալ