Ավարտվեց ՖԲԼ ֆան ակումբների մրցաշարը

Ավարտվեց ՖԲԼ ֆան ակումբների մրցաշարը


Ավարտվեց ՖԲԼ ֆան ակումբների մրցաշարը,

Առաջինը պայքարի դուրս եկան 3-րդ տեղի համար խաղում մրցող Ռոմա և Ջոկեր թիմերը: Հանդիպման հենց մեկնարկից Ռոմայի ֆուտբոլիստներին հաջողվեց մեկը մյուսի հետևից գնդակներ ուղարկել Ջոկերի դարպասը հաշիվը դարձնելով խոշոր: Խաղի մնացած հատվածում պատկերը չփոխվեց և արդյունքում Ռոման կարողացավ հաղթել գերխոշոր 16-1 հաշվով,դառնալով մրցաշարի բրոնզե մեդալակիր:

Եզրափակիչ խաղում հանդիպեցին Լացիո և Արսենալ թիմերը: Առաջինը հաշվի մեջ առաջ անցավ Լացիոն,ոգևորված առաջին գոլից Լացիոյի ֆուտբոլիստները կարողացան տիրել նախաձեռությանը և ևս 3 գնդակ ուղարկել մրցակցի դարպասը հաշիվը դարձնելով 4-0,թվում էր թե թիմերը ընդմիջման կգնան այս հաշվով,սակայն Արսենալի ֆուտբոլիստներին հաջողվեց մինչև ընդմիջման գնալը կրճատել հաշիվի տարբերությունը առաջին խաղակեսն ավարտելով 4-2 հաշվով: Երկրորդ խաղակեսի հենց մեկնարկից Արսենալը փորձեց ետ բերել կորցրածը օգտագործելով 5-րդ խաղացողին,սակայն այս խաղում չհաջողվեց կրկին գործել 1/2 եզրափակչի սխրանքը փրկելով խաղը:Արդյունքում Լացիոն կարողացավ հաղթանակի հասնել 7-3 հաշվով դառնալով մրցաշարի հաղթող:
Եզրափակիչ հանդիպումից անմիջապես հետո տեղի ունեցավ պարգևատրման պաշտոնական արարողությունը: 

Մրցաշարում լավագույն դարպասապահ ճանաչված` Լացիո թիմի դարպասապահ
Արա Հովսեփյանին մրցանակը հանձնեց՝ Ֆուտզալի Հայաստանի ազգային հավաքականի դարպասապահների մարզիչ Վաղարշակ Շահնազարյանը:

Խփած 16 գնդակով  մրցաշարի լավագույն ռմբարկու` Լացիոի ավագ Վահան Սարգսյանին  պարգևատրեց Ֆուտզալի Հայաստանի ազգային հավաքականի խաղացող Հակոբ Ուզունյանը: 

Մրցաշարում լավագույն խաղացող ճանաչված` Արսենալ թիմի առաջատար
Վլադիմիր Մխիթարյանին մրցանակը հանձնեց՝ ՖԲԼ-ի նախագահ Ռուբեն Նազարեթյանը:

Բրոնզե մեդալներին արժանացած  Ռոմա  թիմին մեդալներով և դիպլոմով պարգևատրեց Ֆուտզալի Հայաստանի ազգային հավաքականի  մարզիչ Զոհրաբ Նիազյանը:

Երկրորդ տեղ գրաված Արսենալ թիմին արծաթե մեդալներով և դիպլոմով պարգևատրեց ՀՖՖ-ի ֆուտզալի բաժնի պետ Վահագն Հարությունյանը:

Մրցաշարի հաղթող Լացիո  թիմին փոխանցիկ գավաթով և ոսկե մեդալներով պարգևատրեց
ՖԲԼ նախագահ Ռուբեն Նազարեթյանը: 

ՖԲԼ-ի ողջ անձնակազմը ևս մեկ անգամ ջերմորեն շնորհավորում է բոլոր մրցանակակիրներին և ցանկանում նորանոր հաջողություններ, ինչպես նաև բոլոր մասնակից թիմերին իրենց ներդրումն ունենալու մարզաձևը մասայականացնելու գործում: 

22-12-2018 22:22:42
Վերադառնալ