ՖԲԼ C Լիգա մրցաշարի չորորդ տուրի իրենց հանդիպումները անցկացրեցին ևս 4 թիմեր

ՖԲԼ C Լիգա մրցաշարի չորորդ տուրի իրենց հանդիպումները անցկացրեցին ևս 4 թիմեր


 ՖԲԼ C լիգա մրցաշարի խմբային փուլի նախավերջին խաղում «Կոկա-Կոլա»-ն տոնեց երրորդ անընդմեջ հաղթանակը և 9 միավորով հավասարվեց   C  խմբի առաջատար «Ամերիա բանկ»-ի թիմին, հենց այս երկու թիմերն էլ իրար մեջ բաց թողնված խաղում կորոշեն թե, որ թիմը առաջին հորիզոնականով դուրս կգա քարորդ եզրափակիչ: «Կոկա-Կոլա»-ն այս անգամ 10-4 հաշվով հաղթեց «Աթենք»-ին, որը վերջին խաղում հաղթելու դեպքում կարող է դառնալ այն երկու թիմերից մեկը, որոնք լավագույն երրորդ տեղի արդյունքով կհայտնվեն հաջորդ փուլում:

Նույն օրը «ՀԱՀ»  «Ալֆա-Ֆարմ» խաղում գրանցվեց մրցաշարի առաջին 1-0 հաշիվը: «ՀԱՀ»-ի խաղացողները առաջին կեսում Սոս Հարությունյանի խփած միակ գոլի շնորհիվ կարողացան նվազագույն հաշվով առավելության հասնել «Ալֆա-Ֆարմ»-ի նկատմամբ, չնայած «Ալֆա-ֆարմ»-ը ամեն կերպ փորձում  էր ետ բերել կորցրածը, բայց հանդիպման լավագույն խաղացող ճանաչված «ՀԱՀ»-ի դարպասապահ Հովհաննես Անտոնյանի փայլուն խաղի շնորհիվ «ՀԱՀ»-ը՝ տոնելով երկրորդ հաղթանակը, իր ակտիվում ունի 6 միավոր և առայժմ  Բ խմբի երրորդ հորիզոնականով պահպանում է շանսերը քարորդ եզրափակիչ դուրս գալու համար. «Ալֆա-Ֆարմ»-ը առանց միավորների լքում է մրցաշարը:

 

                                                                 Նյութը պատրաստեց՝ Ռաֆայել Մանուկյանը

28-06-2018 12:13:15
Վերադառնալ