ՖԲԼ Բ լիգա մրցաշարում տեղի ունեցան կիսաեզրափակիչ հանդիպումները:

ՖԲԼ Բ լիգա մրցաշարում տեղի ունեցան կիսաեզրափակիչ հանդիպումները:


Գեր լարված ու դրամատիկ խաղի առաջին կեսում «Գրանդ Քենդի»-ի խաղացողները` Էդգար Ստեփանյանի միակ գոլի շնորհիվ, նվազագույն հաշվով առավելության հասան «Թել-Սել»-ի նկատմամբ: Երկրորդ կեսի հենց մեկնարկում հյուրերը հավասարեցրին հաշիվը, աչքի ընկավ Գուրգեն Բալայանը` 1-1, բայց հանդիպման վերջին րոպեներին «Գրանդ Քանդի»-ին կրկին հաշվի մեջ առաջ մղեց և հաղթանակ պարգևեց հանդիպման լավագույն խաղացող ճանաչված Արթուր Աճեմյանը` ուրախություն պարգևելով նաև մարզադահլիճում հավաքված բազմաթիվ երկրպագուներին` 2-1: Ի տարբերություն առաջին կիսաեզրափակչի, երկրորդ «Պարմա» «Բեթ Կոմստրակտ»  խաղում թիմերը ընդմիջման գնացին փոխանակելով 3-ական գնդակ: Մրցավարի մեկնարկային սուլիչից րոպեներ անց «Բեթ Կոնստրակտ»-ին հաջողվեց ձեռք բերել 2 գնդակի առավելություն, բայց «Պարմա»-ին հաջողվեց ոչ միայն  հավասարեցնել հաշիվը, այլ խփեց նաև երրորդ գնդակը, չնայած «Պարմա»-ն էլ իր հերթին չկարողացավ ընդմիջման գնալ հաղթողի դերում` 3-3: Մնացած ժամանակահատվածում գրանցվեց ընդամենը մեկ գնդակ «Պարմա»-ին և իրենց ջերմորեն աջակցած երկրպագուներին  կիսաեզրափակչի  ուղեգիր  ապահովեց «Պարմա»-ի 9 համար Դավիթ Մանուկյանը `4-3:

Այսպիսով` չեմպիոնության համար կպայքարեն «Գրանդ Քենդի»-ն և «Պարմա»-ն, իսկ բրոնզե մեդալները կվիճարկեն «Թել-Սել»-ն ու «Բեթ Կոնստրակտ»-ը:

18-05-2018 11:24:41
Վերադառնալ