Մեկնարկեց ՖԲԼ Բ լիգա մրցաշարի հինգերորոդ տուրը:

Մեկնարկեց ՖԲԼ Բ լիգա մրցաշարի հինգերորոդ տուրը:


A խմբում տեղի ունեցավ մեկ հանդիպում: Խմբային փուլի վերջին խաղում  «Բեթ Կոնստրակտ»-ը տոնեց երկրորդ անընդմեջ հաղթանակը, այս անգամ  «Գրանդ Տոբակո»-ի նկատմամբ` 6-1 հաշվով: Հանդպիման լավագույն խաղացող ճանաչված,  «Բեթ Կոնստրակտ»-ի դարպասապահ Յուրի Ղազարյանը, ով հանդիսանում է նաև ՖԲԼ-ի հավաքականի դարպասապահ, ոչ միայն փայլուն խաղ ցուցադրեց, այլ նաև  սեփական տուգանային հրապարակից, կատարած հեռահար հարվածով, գնդակն ուղարկեց հյուրերի դարպասը: Այս հաղթանակից հետո  «Բեթ Կոնստրակտ»-ը 11 միավորով ժամանակավորապես գլխավորեց մրցաշարային աղյուսակը, իսկ թե կհայտնվի կիսաեզրափակչում, թե ոչ ամեն ինչ կորոշվի իրեն հետապնդող թիմերի խաղերի արդյունքից: «Գրանդ Տոբակո»-ն  ունի 3 միավոր և  լքում է մրցաշարը նախավերջին հորիզոնականով:

B խմբում էլ արդեն ոչինչ չորոշող խաղում  «Թել-Սել»-ը խոշոր 12-3 հաշվով առավելության հասավ ետնապահ  «Ռեդինետ»-ի նկատմամբ: «Թել-Սել»-ը վաստակում է 9 միավոր և հավասարվում առաջատար «Պարմա»-ին, ճիշտ է  «Պարմա»-ն մեկ հանդիպում պակաս է անցկացրել, բայց երկու թիմերն էլ արդեն նախորդ տուրում ապահովել էին իրենց տեղը կիսաեզրափակչում:

Նյութը պատրաստեց`Ռաֆայել Մանուկյանը

08-04-2018 13:31:15
Վերադառնալ