ՖԲԼ C լիգա մրցաշարի գործող արծաթե մեդալակիրները այս անգամ գլխավերևում պահեցին չեմպիոնական գավաթը

ՖԲԼ C լիգա մրցաշարի գործող արծաթե մեդալակիրները այս անգամ գլխավերևում պահեցին չեմպիոնական գավաթը


ՖԲԼ C լիգա մրցաշարի եզրափակչից  առաջ տեղի ունեցավ երրորդ տեղի համար հանդիպում: Երկու խաղերում էլ թիմերից մեկին հաջողվեց հաղթանակի հասնել նվազագույն տարբերությամբ:

Բրոնզե մեդալները վիճարկեցին «ՎՏԲ» և «Վեգա-2» ընկերությունների թիմերը, որտեղ ավելի դիպուկ գտնվեցին «ՎՏԲ»-ի խաղացողները՝ անզիջում պայքարում առավելության հասնելով 8-7 հաշվով:

Եզրափակչում մրցեցին, նախորդ C լիգա մրցաշարի եզրափակչի մասնակից՝  «Ֆասթ Կրեդիտ»-ը և «Գրանդ Սպորտ»-ը: Գեր լարված ու դրամատիկ խաղի հաղթողը որոշվեց միայն հանդիպման նախավերջին րոպեին. 4-4 հաշվի ժամանակ իր թիմին հաղթանակ պարգևեց «ֆասթ Կրեդիտ»-ի 11 համարը կրող Վարդան Կարապետյանը՝ դառնալով նաև դուբլի հեղինակ՝ 5-4: Այսպիսով՝ «Ֆասթ Կրեդիտ»-ը անցկացրած 7 խաղում, տոնելով 5 հաղթանակ և կրելով 2 պարտություն, հռչակվում է C լիգա մրցաշարի հաղթող:

 Հանդիպումից անմիջապես հետո տեղի ունեցավ C լիգա մրցաշարի պարգևատրման պաշտոնական արարողությունը:

ՖԲԼ-ն նախ պարգևատրեց  Մարգար Սահակյանին՝ C լիգա մրցաշարի բժշկական ծառայությունը լավագույնս սպասարկելու համար, նրան դիպլոմով պարգևատրեց ՀՖՖ բժշկական  ծառայության ղեկավար Կարեն Ստեփանյանը:

Հաջորդ մրցանակները հանձնվեցին ՀՖՖ մրցավար Սամվել Զարգարյանին՝ C լիգա մրցաշարը լավագույնս սպասարկելու համար, և ՀՖՖ մրցավար Ալեն Նազարյանին՝ C լիգա եզրապակիչ հանդիպումը լավագույնս սպասարկելու համար, մրցանակները հանձնեց ՖԲԼ-ի նախագահ՝ Ռուբեն Նազարեթյանը:

Մրցաշարի լավագույն դարպասապահ ճանաչված՝ «Գրանդ Սպորտ» ընկերության թիմի դարպասապահ Հրաչ Բաբախանյանին պարգևատրեց ֆուտզալի Հայաստանի ազգային հավաքականի դարպասապահների մարզիչ՝ Վաղինակ Շահնազարյանը:

Մրցաշարի  լավագույն ռմբարկուի կոչումին արժանացան երկու խաղացողներ, ովքեր իրենց հաշվին ունեին 19-ական գնդակ, նրանց պարգևատրեց ՀՖՖ մրցումների կազմակերպման և անցկացման բաժնի պետ՝ Խորեն Զարգարյանը:

Մրցաշարի լավագույն խաղացող ճանաչված «Ֆասթ Կրեդիտ»-ի ավագ Նարեկ Ամիրյանին պարգևատրեց ՖԲԼ նախագահ Ռուբեն Նազարեթյանը:

Մրցաշարում երրորդ տեղը գրաված «ՎՏԲ»-ի թիմին բրոնզե մեդալները հանձնեց ՀՖՖ ֆուտզալի և կանանց ֆուտբոլի բաժնի պետ՝ Գոռ Հովհաննիսյանը:

Մրցաշարում երկրորդ տեղ գրաված «Գրանդ Սպորտ» ընկերության թիմին ՖԲԼ դիպլոմով և արծաթե մեդալներով պարգևատրեց ՀՖՖ մրցումների կազմակերպման և անցկացման բաժնի պետ՝ Խորեն Զարգարյանը:

Մրցաշարում հաղթող  ճանաչված «Ֆասթ Կրեդիտ» ընկերության թիմին, ՖԲԼ դիպլոմը, ոսկե մեդալները և ՖԲԼ C լիգա մրցաշարի փոխանցիկ գավաթը հանձնեց ՖԲԼ նախագահ՝  Ռուբեն Նազարեթյանը:

Շնորահակալություն ենք հայտնում բոլոր մասնակից ընկերությունների թիմերին լավագույնս մասնակցելու, ինչպես նաև  նպաստելու Հայաստանում Ֆուտզալի զարգացմանը:

27-07-2018 11:51:11
Վերադառնալ