ՖԲԼ Բ լիգա մրցաշարի երրորդ տուրի խորհրդանշական հավաքական:

ՖԲԼ Բ լիգա մրցաշարի երրորդ տուրի խորհրդանշական հավաքական:


ՖԲԼ Բ լիգա մրցաշարի երրորդ տուրի խորհրդանշական հավաքականի  դարպասում տեղ է գտել  «Ամերիկյան  համալսարան»-ի   դարպասապահ Դավիթ Թադևոսյանը,  ով մի քանի անգամ փրկեց իր  թիմին գրեթե հարյուր տոկոսանոց գոլային պահերում  և օգնեց իր թիմին հաղթանակ տոնել ու պահպանել շանսերը` կիսաեզրափակչի ուղեգիր նվաճելու համար:

«Թուֆենկյան»-ի 9  համար Գևորգ Ղազարյանը,  չնայած իր թիմի պարտությանը, հայտնվել է լավագույների շարքում` իր ողջ ուժերը ներդնելու և արժանի դիմադրություն ցուցաբերելու  ուժեղ մրցակցի հետ խաղում` իր հաշվին գրանցելով նաև 1գնդակ:

«Օրանժ Ֆիտնես»-ի  8 համարի խաղաշապիկով հանդես եկող Ռազմիկ Տերտերյանը աչքի ընկավ բարձր հատկանիշներով և թիմային գործողություններով` ինչի շնորհիվ արժանիորեն լավագույն հնգյակում է:

Հաջորդ խաղացողը «Օլլ Ինքլյուզիվ»-ի 9 համար Հայկ Մինասյանն է, ով այդ երեկո կրում էր նաև ավագի թևկապը, գերազանց գործեց թե պաշտպանությունում, թե հարձակման կրակագծում ծանրագույն խաղում`  դառնալով նաև պոկերի հեղինակ:

Վերջին խաղացողը «Թել Սել»-ի ավագ Ստեփան Հակոբյանն է, ով հստակ կատարեց  ավագի պարտականությունները, բացի այդ 6 անգամ ստիպեց  մրցակցին խաղը վերսկսել կենտրոնից:

Նյութը պատրաստեց`Ռաֆայել Մանուկյանը

05-04-2018 11:22:00
Վերադառնալ