ՖԲԼ C լիգա եզրափակչում կմրցեն Ֆասթ Կրեդիտ և Գրանդ Սպորտ ընկերությունների թիմերը

ՖԲԼ C լիգա եզրափակչում կմրցեն Ֆասթ Կրեդիտ և Գրանդ Սպորտ ընկերությունների թիմերը


ՖԲԼ C լիգա մրցաշարի կիսաեզրափակիչ երկրորդ խաղում իրար հետ մրցեցին խմբայիմն փուլում արդեն մեկ հանդիպում անցկացրած «ՎՏԲ»-ի և «Ֆասթ Կրեդիտ» ընկերության թիմերը՝ առաջին խաղում «ՎՏԲ»-ի խաղացողներին հաջողվել էր վստահ հաղթանակ տոնել՝ 10-4,  այս անգամ հաջողությունը ուղեկցեց C լիգա մրցաշարի գործող արծաթե մեդալակիրներին: Բավականին լարված ու հետաքրքիր պայքարում ընթացող խաղում թիմերը ընդմիջման գնացին «Ֆասթ Կրեդիտ»-ի 2 գնդակի առավելությամբ՝ 3-1: Մնացած ժամանակահատվածում «ՎՏԲ»-ի խաղացողները ներդնելով իրենց ողջ  ուժերը կարողացան ետ բերել կորցրածը՝ 4-4, սակայն հանդիպման վերջնական հաշիվը ձևակերպեց երրորդ խաղն անընդմեջ փայլուն հանդիպում անցկացրած «Ֆաստ Կրեդիտ»-ի 3 համարը կրող Վաչագան Հաբեթյանը՝ 5-4:

Այսպիսով այս հաղթանակից հետո «Ֆասթ Կրեդիտ»-ը C  լիգա մրցաշարի եզրափակչում է հայտնվում երկրորդ անընդմեջ անգամ, որտեղ ուժերը կչափի չեմպիոնության գլխավոր ֆավորիտներից մյուսի՝ «Գրանդ Սպորտ»-ի հետ, իսկ բրոնզե մեդալները կվիճարկեն «ՎՏԲ»-ի և «Վեգա-2» ընկերությունների թիմերը:

 

                                                                                       Նյութը պատրաստեց՝ Ռաֆայել Մանուկյանը

24-07-2018 12:38:16
Վերադառնալ