Մարտի 31-ին տեղի կունենան հետևյալ հանդիպումները

Մարտի 31-ին տեղի կունենան  հետևյալ հանդիպումները


Այսօր՝ մարտի 31-ին, տեղի կունենա «Ֆուտզալ Բիզնես Լիգա» Բ լիգայի երրորդ տուրի երեք հանդիպում:
   Ազգային ժողովի թիմը «Դինամո» մարզադահլիճում ժամը 19:00-ին կհանդիպի Կոկա-Կոլա թիմի հետ: Այս երկու թիմերը A խմբում անցկացրել են մեկական հանդիպում և կրել պարտություն: Այսօր երկու թիմերն էլ  ձգտելու են հաղթանակի: Սպասվում է  դիտարժան հանդիպում:
  Երրորդ տուրի այսօրվա մյուս խաղում՝ ժամը 20:00-ին կհանդիպեն Բ լիգայի D խումբը ներկայացնող Գրանդ Քենդի և Պրոֆվենտ թիմերը: Գրանդ Քենդիի թիմը հանդես է գալիս շատ հաջող և  անցկացրած երկու հանդիպումներում ցույց է տվել  հարյուր տոկոսանոց արդյունք՝ապահովելով իր տեղը հաջորդ փուլում: Այսօր նրանք նույնպես ձգտելու են հաղթանակի: Ավելացնենք նաև, որ Գրանդ Քենդիի թիմը անցկացրած երկու տուրերի արդյունքում հակառակորդի դարպասը ամենաշատը գրաված և սեփականը ամենաքիչ գոլ բաց թողած թիմն է Բ լիգայում:
  Իսկ Պրոֆվենտը առաջին տուրում կրելով պարտություն Գուդվինից, կարողացավ երկրորդ տուրում հաղթել Քարֆուրին և այսօր հաղթանակի դեպքում հնարավորություն կունենա մրցելույթները շարունակել հաջորդ փուլում:
   Այսօրվա վերջին խաղում, ժամը 21:00-ին սպասվում է  բավականին դիտարժան ու հետաքրքիր հանդիպում: Կհանդիպեն Լրագրողներ և Արիստոն թիմերը: Անցկացրած երկու տուրերում երկու թիմերն էլ տոնել են հաղթանակներ և պրակտիկորեն ապահովել  իրենց տեղը հաջորդ փուլում: Այսօր նրանք կպայքարեն Բ լիգայի A խմբի առաջատարի կոչման համար:
  Բոլորին հրավիրում ենք «Դինամո» մարզադահլիճ: Մուտքն ազատ է:
  Բոլոր նրանց համար, ովքեր այսօր չեն հասցնի մարզադահլիճում հետևել խաղերի ընթացքին, ապա  «Ֆուտզալ Բիզնես Լիգան» իր գործընկերոջ՝ vsport.am-ի հետ համատեղ կազմակերպել է այդ խաղերի  ուղիղ հեռարձակումը յութուբյան V sport ալիքի միջոցով: Այդ հանդիպումներին կարող եք հետևել նաև մեր պաշտոնական կայքի Յութուբյան էջ բաժնում:

31-03-2016 10:12:01
Վերադառնալ