Ավարտվեց ՖԼ ֆինանսաբանկային մրցաշարը

Ավարտվեց ՖԼ ֆինանսաբանկային մրցաշարը


Եզրափակիչ խաղում հանդիպեցին Յունիբանկի և Ֆասթ Կրեդիտի թիմերը:
Ինչպես և սպասվում էր հանդիպումը անցավ դիտարժան և թեժ պայքարում: Հանդիպումը վնասվածքի պատճառով բաց էր թողնում մրցաշարի լավագույն ռմբարկու Դավիթ Խաչատրյանը, որը մեծ կորուստ էր Յունիբանկի համար: Յունիբանկի տղաները արեցին հնարավոր ամեն ինչ՝ զորեղ մրցակցին արժանի դիմակայություն ցույց տալու համար: 
Առաջինը հաշվի մեջ առաջ անցան Ֆասթ Կրեդիտի ֆուտբոլիստները, որոնք կարողացան ընդմիջման գնալ հաղթողի կարգավիճակում:  Երկրորդ խաղակեսի սկզբնամասում Ֆասթ Կրեդիտը ևս 2 գնդակ կարողացավ հեղինակել,: Յունիբանկը ևս ուներ մի շարք գոլային պահեր, բայց այս խաղում ինչպես նաև մրցաշարի ողջ ընթացքում փայլեց Ֆասթ Կրեդիտի դարպասապահ Աբրահամ Կարապետյանը՝ կատարելով ֆանտաստիկ սեյվեր: Խաղավերջում թիմերը փոխանակվեցին մեկական գնդակներով ձևակերպելով հանդիպամն վերջնական հաշիվը: Այսպիսով Ֆասթ Կրեդիտը հաղթանակի հասնելով 4-1 հաշվով դարձավ ՖԼ ֆինանսաբանկային մրցաշարի հաղթող:

Ֆուտզալ Լիգայի նախագահը Շնորհակալություն հայտնեց մրցաշարի գլխավոր հովանավոր VivaroBet ընկերությանը, մրցաշարի ողջ ընթացքում ցուցաբերած աջակցության համար:

Մրցաշարի հովանավոր Կասպերսկի ընկերությունը, հաղթող թիմին հյուրասիրություն է կազմակերպել Մանգալո ռեստորանում: Ինչպես նաև մրցանակ էր սահմանել լավագույն պաշտպանություն ունեցող թիմի համար, որը այս անգամ Ֆասթ Կրեդիտի թիմն էր: Մրցանակը հանձնեց Կասպերսկի լաբորոտորյաի ներկայացուցիչ Արմեն Կարապետյանը:

Այնուհետև  տեղի ունեցավ պարգևատրման պաշտոնական արարողությունը:  
Ֆուտզալ լիգա ֆինանսաբանկային մրցաշարի լավագույն մրցավարին և եզրափակիը լավագույնս սպասարկած ՀՖՖ մրցավարներ Միհրան Կուդոյանին և Արթուր Համբարձումյանին դիպլոմով և պատվոգրերով  պարգևատրեց ՖԼ նախագահ Ռուբեն Նազարեթյանը:

Մրցաշարում լավագույն դարպասապահ ճանաչված` Ֆասթ Կրեդիտ թիմի դարպասապահ
Աբրահամ Կարապետյանին մրցանակը հանձնեց՝ Ֆուտզալի Հայաստանի ազգային հավաքականի ֆուտբոլիստ Սարո Գալստյանը:

Խփած 9 գնդակով  մրցաշարի լավագույն ռմբարկու` Յունիբանկի թիմի ֆուտբոլիստ Դավիթ Խաչատրյանին  պարգևատրեց  Vivarobet ընկերության մարքեթինգի բաժնի տնօրեն՝ Ռաֆայել Դավթյանը:

Մրցաշարում լավագույն խաղացող ճանաչված` Ֆասթ Կրեդիտ թիմի ավագ 
Նարեկ Ամիրյանին մրցանակը հանձնեց՝ ՖԼ նախագահ Ռուբեն Նազարեթյանը::

Մրցաշարում երրորդ տեղը գրավեց Ամերիա Բանկի թիմը:

Երկրորդ տեղ գրաված Յունիբանկ թիմին արծաթե մեդալներով և դիպլոմով պարգևատրեց  Vivarobet ընկերության մարքեթինգի բաժնի տնօրեն՝ Ռաֆայել Դավթյանը:

Մրցաշարի հաղթող Ֆասթ Կրեդիտ  թիմին փոխանցիկ գավաթով և ոսկե մեդալներով պարգևատրեց
ՖԼ նախագահ Ռուբեն Նազարեթյանը: 

ՖԼ-ի ողջ անձնակազմը ևս մեկ անգամ ջերմորեն շնորհավորում է բոլոր մրցանակակիրներին և ցանկանում նորանոր հաջողություններ, ինչպես նաև բոլոր մասնակից թիմերին իրենց ներդրումն ունենալու մարզաձևը մասսայականացնելու գործում: 

01-06-2019 21:17:21
Վերադառնալ