Ավարտվեց ՖԲԼ C լիգա մրցաշարի երրորդ տուրը

Ավարտվեց ՖԲԼ C լիգա մրցաշարի երրորդ տուրը


ՖԲԼ C լիգա մրցաշարի երրորդ տուրի վերջին խաղում «Կոկա-Կոլա»-ն խոշոր հաշվով հաղթանակ տոնեց C խմբի ետնապահ համարվող «Քարֆուր»-ի նկատմամբ՝ հանդիպումն ավարտվեց 17-2 հաշվով:

Նույն օրը մեկնարկեց նաև չորորդ տուրը՝  խաղային առաջին օրը  B խմբում տեղի ունեցավ երկու հանդիպում: Հերթական անգամ անկասելի էր  «ԼՖՀ»-ը, որը այս անգամ  «Ալֆա-Ֆարմ»-ի դարպասը ուղարկեց 7 գնդակ՝ սեփականն ընդունելով ընդամենը 4 գնդակ` 7-4:

Մրցաշարում առաջին միավորները վաստակեց «ՀԱՀ»-ի թիմը՝ «Պրեմիեր Ֆուդս»-ի հետ խաղում, «ՀԱՀ»-ի խաղացողները  կարաղացան մինչ ընդմիջման գնալը ձեռք բերել 3 գնդակի առավելություն՝ 5-2: Երկրորդ կեսում թիմերը փոխանակեցին մեկական գնդակ՝ 1-1 ընդհանուր՝ 6-2: Այս տուրից հետո «ԼՖՀ»-ը խփած և բաց թողած գոլերի ավելի լավ տարբերությամբ շրջանցեց նույնպես հարյուր տոկոսանոց արդյունք ունեցող «Գրանդ Սպորտ»-ին և բարձրացավ առաջին հորիզանական. երկու թիմերն էլ իրենց հաշվին ունեն 9-ական միավոր, իսկ թե ով առաջին հորիզոնականով դուրս կգա քարորդ եզրափակիչ, կորոշեն խմբային փուլի վերջին՝ իրար մեջ բաց թողնված խաղում: «Պրեմիեր Ֆուդս»-ը երրորդն է՝ 3 միավորով, 3 միավոր ունի նաև «ՀԱՀ»-ի թիմը, որը վերջին խաղում՝ առայժմ առանց միավորների,  «Ալֆա-Ֆարմ»-ին հաղթելու դեպքում կարող է պահպանել շանսերը քարորդ եզրափակիչ ուղեգիր նվաճելու համար:

 

                                                         Նյութը պատրաստեց՝ Ռաֆայել Մանուկյանը

24-06-2018 20:16:43
Վերադառնալ