Ավարտվեց ՖԲԼ Իսահակ Աբասի Իսահակյանին նվիրված ֆինանսաբանկային հուշամրցաշարը

Ավարտվեց ՖԲԼ Իսահակ Աբասի Իսահակյանին նվիրված ֆինանսաբանկային հուշամրցաշարը


Ավարտվեց ՖԲԼ Իսահակ Աբասի Իսահակյանին նվիրված ֆինանսաբանկային հուշամրցաշարը,
Եզրափակիչ խաղում հանդիպեցին Ամերիա բանկ և Յունիբանկ թիմերը: Առաջինը հաշվի մեջ առաջ անցավ Ամերիա բանկը, տուգանայինից կատարած փայլուն հարվածով իր թիմին հաշվի մեջ առաջ մղեց Նարեկ Կարդաշյանը, սակայն Յունիաբանկի խաղացողները կարողացան արագորեն պատասխանել՝ հաշիվը դարձնելով 1-1:Առաջին խաղակեսի ընթացքում Ամերիա բանկի ֆուտբոլիստներին ևս մեկ անգամ հաջողվեց առավելություն ստանալ հաշվի մեջ,որին Յունիբանկի խաղացողները նորից կարողացան պատասխանել արագ խփված գոլով,արդյունքում առաջին խաղակեսը ավարտվեց  2-2 հաշվով: 
Երկրորդ խաղակեսում պատկերը այլ էր,խաղակեսի հենց մեկնարկից Յունիբանկի խաղացողները տիրելով նախաձեռնությանը կարողացան նախ առաջ անցնել հաշվի մեջ,այնուհետև դառնալով ևս 2 գոլի հեղինակ Յունիբանկը կարողացավ հաղթանակի հասնել 5-2 հաշվով՝դառնալով մրցաշարի հաղթող:

Եզրափակիչ հանդիպումից անմիջապես հետո տեղի ունեցավ պարգևատրման պաշտոնական արարողությունը: 

Մրցաշարում լավագույն դարպասապահ ճանաչված` Ամերիա բանկ թիմի դարպասապահ
Անդրանիկ Բարսեղյանին մրցանակը հանձնեց՝ Ֆուտզալի Հայաստանի ազգային հավաքականի դարպասապահների մարզիչ Վաղարշակ Շահնազարյանը:

Մրցաշարի լավագույն ավագ ճանաչվեց Ամերիա բանկ-ի ավագ Գրիգոր Գրիգորյանը,ում մրցանակը հանձնեց ֆուտզալի Հայաստանի ազգային  հավաքականի մարզիչ Զոհրաբ Նիազյանը:

Խփած 18 գնդակով  մրցաշարի լավագույն ռմբարկու` Ֆասթ Կրեդիտի ավագ Նարեկ Ամիրյանին  պարգևատրեց ՀՖՖ-ի մրցումների կազմակերպման և անցկացման բաժնի պետ Խորեն Զարգարյանը: 

Մրցաշարում լավագույն խաղացող ճանաչված` Յունիբանկ թիմի առաջատար
Տիգրան Զաքարյանին մրցանակը հանձնեց՝ ՖԲԼ-ի նախագահ Ռուբեն Նազարեթյանը:

Բրոնզե մեդալներին արժանացած  Ֆասթ Կրեդիտ  թիմին մեդալներով և դիպլոմով պարգևատրեց 
ՀՖՖ-ի ֆուտզալի բաժնի պետ Վահագն Հարությունյանը:

Երկրորդ տեղ գրաված Ամերիա բանկ թիմին արծաթե մեդալներով և դիպլոմով պարգևատրեց ՀՖՖ-ի մրցումների կազմակերպման և անցկացման բաժնի պետ Խորեն Զարգարյանը: 

Մրցաշարի հաղթող Յունիբանկ  թիմին փոխանցիկ գավաթով և ոսկե մեդալներով պարգևատրեց
ՖԲԼ նախագահ Ռուբեն Նազարեթյանը: 

Մրցանակ էր սահմանել նաև Kasperski Lab ընկերությունը մրցաշարի ''Լավագույն պաշտպանություն ունեցող թիմին'', որը բաց թողած 11 գնդակով Ամերիա բանկի թիմն էր,մրցանակը  հանձնեց
Kasperski Lab-ի տարածքային ղեկավար Արմեն Կարապետյանը:

ՖԲԼ-ի ողջ անձնակազմը ևս մեկ անգամ ջերմորեն շնորհավորում է բոլոր մրցանակակիրներին և ցանկանում նորանոր հաջողություններ, ինչպես նաև բոլոր մասնակից թիմերին իրենց ներդրումն ունենալու մարզաձևը մասայականացնելու գործում: 

09-12-2018 22:04:02
Վերադառնալ