Ավարտվեց ՖԲԼ C լիգա մրցաշարի երկրորդ տուրը

Ավարտվեց ՖԲԼ C լիգա մրցաշարի երկրորդ տուրը


ՖԲԼ C լիգա մրցաշարի երկրորդ տուրում` երկրորդ անընդմեջ վստահ հաղթանակը տոնեց «ՎՏԲ»-ի թիմը, այս անգամ 8 անպատասխան գնդակ ուղարկելով  «Իզի Փեյ» ընկերության թիմի դարպասը՝ 8-0: Այս հաղթանակից հետո  «ՎՏԲ»-ի թիմը  6 միավորով ժամանակավորապես միանձնյա գլխավորեց  A խմբի մրցաշարային  աղյուսակը:

C խմբում էլ   «Քարֆուր»  «Ամերիա բանկ» խաղում նույնպես հաջողվեց աչքի ընկնել միայն թիմերից մեկին: Հյուրերը ցուցադրելով գեղեցիկ և թիմային խաղ խոշոր 15-0 հաշվով առավելության հասան տանտերերի նկատմամբ, իսկ հանդիպման լավագույն խաղացող ճանաչված  «Ամերիա բանկ»-ի 14 համար Նարեկ Կարդաշյանը իր հաշվին 10 գնդակ գրանցեց, ինչի շնորհիվ իր գոլերի քանակը հասրեց 12-ի և ռմբարկուների ցուցակում բարձրացավ առաջին հորիզոնական:

Հետաքրքիր պայքարում ընթացավ նույն խմբի  «Կոկա-Կոլա»  «Էս Սի Դի Եմ» հանդիպումը, որտեղ  «Կոկա-Կոլա»-ի խաղացողները ներդնելով իրենց ողջ ուժերը կարողացան վաստակել կարևոր  առաջին 3 միավորը` հանդիպումն ավարտվեց 7-5 հաշվով: Այս տուրից հետո  «Ամերիա բանկ»-ը վաստակեց 6 միավոր և գտնվում է C խմբի առաջին հորիզոնականում, նրան 3-ական միավորորվ հետապնդում են  «Աթենք» և  «Կոկա-Կոլա» ընկերությունների թիմերը, որոնք 1 հանդիպում պակաս են անցկացրել, իսկ  «Էս Սի Դի Եմ»-ը և  «Քարֆուր»-ը եզրափակում են աղյուսակը առանց միավորների:    

  

                                              Նյութը պատրաստեց՝ Ռաֆայել Մանուկյանը

11-06-2018 10:24:27
Վերադառնալ