Ավարտվեց ՖԲԼ C լիգա մրցաշարը

Ավարտվեց ՖԲԼ C լիգա մրցաշարը


Առաջինը պայքարի դուրս եկան 3-րդ տեղի համար խաղում մրցող Յունիբանկի և ԼՖՀ-ի թիմերը: Հանդիպման հենց մեկնարկից Յունիբանկի տղաներին հաջողվեց մեկը մյուսի հետևից գնդակներ ուղարկել ԼՖՀ-ի դարպասը՝ հաշիվը դարձնելով 4-0: Բայց լրագրողներից կազված թիմը կարողացավ հաշված րոպեների ընթացքում անհավանական քամբեք կատարել՝հավասարեցնելով հաշիվը: Յունիբանկին միայն առաջին խաղակեսի վերջնամասում հաջողվեց խփել 5-րդ գնդակը՝ ընդմիջման գնալով հաղթական հաշվով: 2-րդ խաղակեսում արդեն զգացնել տվեց ԼՖՀ-ի ֆուտբոլիստների հոգնածությունը, և Յունիբանկը կարողանալով խփել ևս 4 գնդակ՝հաղթանակի հասավ 9-4 հաշվով դարձավ մրցաշարի բրոնզե մեդալակիր:
Հանդիպման լավագույն խաղացող ճանաչվեց Յունիբանկի դարպասապահ Մեսրոպ Հակոբյանը:

Եզրափակիչ խաղում հանդիպեցին Գրանդ Սպորտի և Իմէքս Գրուպի թիմերը: Ինչպես և սպասվում էր հանդիպումը անցավ դիտարժան և հավասար պայքարում: Հանդիպմանը կորուստներով մոտեցած Իմէքս Գրուպի տղաները կարողացան արժանի դիմակայություն ցույց տալ զորեց մրցակցին:
Առաջինը հաշվի մեջ առաջ անցան հենց Իմէքս Գրուպի ֆուտբոլիստները, սակայն րոպեներ անց Գրանդ Սպորտը կարողացավ հաշիվը հավասարեցնել: Թիմերը ընդմիջման գնացին 1-1 հաշվով:  Երկրորդ խաղակեսում կողմերը թեև ունեին  բազմաթիվ գոլային պահեր,սակայն դարպասապհները այսօր իրենց բարձունքի վրա էին: Հանդիպման հիմնական ժամանկում կողմերը չկարողացան պարզել մրցակցին:
11 մետրանոցներ տեղափողված խաղում ավելի դիպուկ գտնվեցին Գրանդ Սպորտի ֆուտբոլիստները,որոնք էլ կարողացան դառնալ մրցաշարի հաղթող:

Եզրափակիչ հանդիպումից անմիջապես հետո տեղի ունեցավ պարգևատրման պաշտոնական արարողությունը:  

Մրցաշարում լավագույն դարպասապահ ճանաչված` Յունիբանկ թիմի դարպասապահ
Մեսրոպ Հակոբյանին մրցանակը հանձնեց՝ Ֆուտզալի Հայաստանի ազգային հավաքականի դարպասապահների մարզիչ Վաղարշակ Շահնազարյանը:

Խփած 22 գնդակով  մրցաշարի լավագույն ռմբարկու` Յունիբանկի ֆուտբոլիստ Դավիթ Խաչատրյանին  պարգևատրեց  ՀՖՖ-ի մրցումների կազմակերպման և անցկացման բաժնի պետ Խորեն Զարգարյանը:

Մրցաշարում լավագույն խաղացող ճանաչված` Գրանդ Սպորտ թիմի ֆուտբոլիստ 
Տիգրան Գրիգորյանին մրցանակը հանձնեց՝ ֆուտզալի Հայաստանի ազգային  հավաքականի մարզիչ Զոհրաբ Նիազյանը:

Բրոնզե մեդալներին արժանացած  Յունիբանկ  թիմին մեդալներով և դիպլոմով պարգևատրեց Ֆուտզալի Հայաստանի ազգային հավաքականի ավագ Սարո Գալստյանը: 

Երկրորդ տեղ գրաված Իմէքս Գրուպ թիմին արծաթե մեդալներով և դիպլոմով պարգևատրեց ՀՖՖ-ի մրցումների կազմակերպման և անցկացման բաժնի պետ Խորեն Զարգարյանը:

Մրցաշարի հաղթող Գրանդ Սպորտ  թիմին փոխանցիկ գավաթով և ոսկե մեդալներով պարգևատրեց
ՖԲԼ նախագահ Ռուբեն Նազարեթյանը: 

ՖԲԼ-ի ողջ անձնակազմը ևս մեկ անգամ ջերմորեն շնորհավորում է բոլոր մրցանակակիրներին և ցանկանում նորանոր հաջողություններ, ինչպես նաև բոլոր մասնակից թիմերին իրենց ներդրումն ունենալու մարզաձևը մասայականացնելու գործում: 

01-03-2019 00:10:05
Վերադառնալ