ՖԲԼ Բ Տեղի ունեցան լիգա մրցաշարի A խմբի հինգերորդ տուրից հետաձգված 2 հանդիպումներ

ՖԲԼ Բ Տեղի ունեցան  լիգա մրցաշարի  A խմբի  հինգերորդ տուրից հետաձգված 2 հանդիպումներ


Մայիսի 5-ին  Դինամո մարզադահլիճում տեղի ունեցան ՖԲԼ Բ լիգա մրցաշարի  A խմբի  հինգերորդ տուրից հետաձգված 2 հանդիպումներ:  Նախ խաղադաշտ դուրս եկան, արդեն ոչնչի համար չպայքարող, «Օրանժ Ֆիտնես»-ը  և մրցաշարային աղյուսակը եզրափակող «Թուֆենկյան» թիմերը: «Օրանժ Ֆիտնես»-ին հաջողվեց խոշոր` 15-5 հաշվով առավելության հասնել, իսկ հանդիպման լավագույն խաղացող ճանաչված «Օրանժ Ֆիտնես»-ի ավագ Վահան Սարգսյանը իր հաշվին 11 գնդակ գրանցեց:  Օրվա կենտրոնական և կարևորագույն խաղում մրցեցին կիսաեզրափակչի ուղեգրի համար պայքարող «Գրանդ Քենդի»-ն և «Օլլ-Ինքլյուզիվ»-ը:   Տանտերերին հաջողվեց  առաջին կեսում 4 անպատասխան գնդակ ուղարկել հյուրերի դարպասը`4-0: Երկրորդ կեսում «Գրանդ Քենդի»-ի խաղացողները գործը հասցրեցին տրամաբանական ավարտին, իսկ  թիմերը փոխանակվեցին 4-ական գնդակով` 4-4 ընդհանուր` 8-4: Այս հաղթանակից հետո «Գրանդ Քենդի»-ն վաստակեց 12 միավոր  շրջանցելով   արդեն կիսաեզրափակչի ուղեգիր ապահոված, և մինչ այս առաջին հորիզոնականում ընթացող «Բեթ Կոնստրակտ»-ին, որն ունի 11 միավոր և իր հերթին 1 միավորով գերազանցեց  երրորդ հորիզոնականում հանգրվանած «Օլլ-Ինքլյուզիվ-ին: Այսպիսով եզրափակիչ ուղեգիրը կվիճարկեն «Գրանդ Քենդի»-ն և «Թել-Սել»-ը, «Բեթ Կոնստրակտ»-ն էլ ուժերը կչափի «Պարմա»-ի հետ:    

  Նյութը պատրաստեց`Ռաֆայել Մանուկյանը

06-05-2018 12:28:42
Վերադառնալ